Agaasimaha Guud ee HSJ ayaa furay tababar ku saabsan keydinta Xogta iyo diyaarinta warbixintooda

Agaasimaha Guud ee HSJ ayaa furay tababar ku saabsan keydinta Xogta iyo diyaarinta warbixintooda

Agaasimaha Guud ee Hey'adda Socdaalka iyo Jinsiyadda Col, Maxamed Aadan Jimcaale (Koofi) ayaa tababar socon doona mudo 3 maalmood ah oo ku saabsan Keydinta Dadka Socotada ah iyo sida loo diyaariyo warbixintooda uga furay magaalda Muqdisho saraakiil ka kala socotay Xuduudaha dhulka iyo garoomada diyaaradaha dalka.

Agaasimaha Guud ee Hey'adda Socdaalka iyo Jinsiyadda Col, Maxamed Aadan Jimcaale {koofi} ayaa tilmaamay in Saraakiisha ka howlgala xuduudaha dalka ay yihiin ilaaliyaasha Qaranka , isagoo ku guubaabiyay saraakiisha in ay dhowraan shuruucda dalka gaar ahaan Dastuurka iyo Sharciga Socdaalka dalka.

Dhanka kale, Agaasimaha oo sharaxaad dheeriya ka bixinayay sababta loo badiyay baraha xuduudaha ah ee laga soo galo ama looga baxo dalka ayaa sheegay in ay tahay in dhamaan xuduudaha dalka ay meel kasta ka helaan dadka Socotada ahi adeegga Socdaalka dalka. wuxuuna Agaasimuhu ku booriyay saraakiisha tababarkan loo furay iney dhowraan xuquuqda dadka socotada ah iyadoo la marsiinayo shuruucda dalka.

Ugu dambeyn Agaasimaha Guud ayaa carabka ku adkeeyay in saraakiishu ay ilaaliyaan Dukumeentiga safarka, isla markaana adkeeyaan wadashaqeynta Hey'adda kala dhaxeysa Hey'adaha kale ee ka howlgala xuduudaha Dalka. HSJSOMALIA

Top